اسلام آباد -30 آگسٽ (اي پي پي) وزيراعظم محمد شهباز شريف جي هدايت تي نيشنل ڊزاسٽر مينجمينٽ اٿارٽي پاران ٻوڏ متاثر علائقن ۾ رليف ۽ ريسڪيو آپريشن لاءِ مدد جاري آهي، پي ڊي ايم اي پنجاب جي درخواست تي ٻوڏ متاثرن لاءِ راشن جي رسد جاري آهي، سيالڪوٽ جي ٻوڏ متاثر علائقن لاءِ 500 ۽ نارووال لاءِ به 500 راشن ٿيلها مهيا ڪيا ويا آهن. اين ڊي ايم اي موجب امدادي سامان لاڳاپيل ضلعي انتظاميه جي ذريعي ورهايو ويندو. اين ڊي ايم اي سيالڪوٽ ۽ نارووال لاءِ امدادي سامان تي ٻڌل ڪل 8 ٽرڪن جو قافلو روانو ڪيو جڏهن ته وزيرآباد، حافظ آباد، چنيوٽ ۽ جهنگ لاءِ راشن جون ٽرڪون ايندڙ ڪجهه ڏينهن ۾ روانيون ڪيون وينديون. اين ڊي ايم اي وزيراعٻاد ۾ 500، حافظ آباد ۾ 500، چنيوٽ ۾ 1000 ۽ جهنگ ۾ 1200 راشن جا ٿيلها ورهائڻ جو پلان تيار ڪيو آهي. اين ڊي ايم اي سومر ڏينهن 4200 راشن جا ٿيلها پنجاب جي آفت سٽيل علائقن ۾ موڪليندو.
