اسلام آباد -30 آگسٽ (اي پي پي) توانائي واري وزارت (پاور ڊويزن) ٻوڏ متاثر علائقن ۾ بجلي جي بحالي ۾ 30 آگسٽ تائين جي اڳڀرائي جي حوالي سان رپورٽ جاري ڪري ڇڏي آهي. توانائي وزارت (پاور ڊويزن) طرفان جاري رپورٽ موجب پيسڪو جي علائقن سوات، بونير، شانگلا، صوابي ۽ ڊي آءِ خان جون 12 گرڊز ۽ 91 فيڊرز متاثر ٿيا. پيسڪو جا 84 فيڊرز مڪمل ۽ 7 جزوي طور بحال ڪيا ويا. رپورٽ موجب پيسڪو جي علائقي صوابي ۽ ڊي آءِ خان ۾ بجلي جي بحالي جو ڪم مڪمل ڪيو ويو آهي. گيپڪو جي انتظام هيٺ علائقن سيالڪوٽ، نارووال، وزيرآباد ۽ حافظ آباد جا 10 گرڊز ۽ 87 فيڊرز متاثر ٿيا آهن. گيپڪو جا 68 فيڊرز مڪمل ۽ 17 جنزوي طور بحال ڪيا ويا آهن. ليسڪو ۾ لاهور، اوڪاڙه، شيخوپوره، قصور ۽ ننڪانه جا 56 فيڊرز متاثر جيا جيڪي جزوي طور بحال جڏهن ته مڪمل بحالي جي 31 آگسٽ کان 5 سيپٽمبر تائين اميد آهي. رپورٽ ۾ ٻڌايوو يو ته فيسڪو جي انتظام هيٺن علائقن فيصل آباد، چنيوٽ، جهنگ، سرگوڌا، ميانوالي ۽ ڊي آءِ خان جون 17 گرڊ ۽ 53 متاثر فيڊرز عارضي طور بحال ڪيا ويا آهن. ميپڪو جي انتظام هيٺ علائقن ۾ 67 فيڊرز متاثر ٿيا آهن. ميپڪو جي انتظام هيٺ علائقن ۾ پاڻي لهندي ئي متاثر فيڊرز جي بحالي جو عمل فوري شروع ٿي ويندو. ٽيسڪو جي علائقي اتر وزيرستان جي 2 متاثر فيڊرز کي عارضي طور بحال ڪيو ويو آهي، مڪمل بحالي جي 5 سيپٽمبر تائين اميد آهي. رپورٽ موجب مجموعي طور تي 39 گرڊ ۽ 356 متاثر فيڊرز مان 152 کي مڪمل ۽ 202 کي عارضي طور بحال ڪيو ويو آهي. ڊسڪوز جون فيلڊ ٽيمون رات ڏينهن بحالي جي ڪم ۾ مصروف آهن، متاثر علائقن ۾ بجلي جي فراهمي جلد کان جلد مڪمل بحال ڪئي ويندي.
