اسلام آباد -30 آگسٽ (اي پي پي) خصوصي سيڙپڪاري سهولت ڪائونسل (ايس آءِ ايف سي ) ۽ اقتصادي رابطا ڪميٽي (اي سي سي) جي گڏيل ڪوششن سان ريفائيننگ سيڪٽر ۾ هڪ وڏي اڳڀرائي تحت اي سي سي سنرجيڪو جي پيٽروليم ليوي رهتن جي سڌارن واري فريم جي منظوري ڏئي ڇڏي آهي. فريم ورڪ تحت رهتن جي اصل رقم جي وصولي، پيٽروليم ڊويزن جي معاهدي تي صحيحن جي اجازت هوندي. سنرجيڪو هاڻي اوگرا معاهدي تي بران فيلڊ ريفائيننگ پاليسي تحت عملدارآمد ڪري سگهندو. پاليسي جو مقصد ريفائنريز جي اپگريڊيشن، يورو فائيو ٻارڻ جي تياري ۽ مهانگي امپورٽ تي ڀاڙڻ گهٽائڻ آهي. صنعتي ماهرن ان فيصلي کي ريفائنري اپگريڊيشن لاءِ گيم چينجر قرار ڏنو آهي. هنن چيو ته بران فيلڊ پاليسي تي عمل ڪرڻ سان 6 ارب ڊالرز جي سيڙپڪاري جي اميد آهي ۽ ايس آءِ ايف سي جي سهولتڪاري سان توانائي سيڪٽر ۾ سيڙپڪاري ۽ صنعتي جديدڪاري جون نيون راهون هموار ٿينديون.
