اسلام آباد -30 آگسٽ(اي پي پي) واپار واري وفاقي وزير ڄام ڪمال خان چيو آهي، ته ايڪسپورٽرز لاءِ سازگار ماحول جي فراهمي، غير ضروري رڪاوٽن جي خاتمي، صنعتن جو نيڪال گهَٽِ ڪرڻ ۽ عالمي منڊين تائين آسان رسائي وقت جي اهم ضرورت آهي. واپار واري وزارت موجب انهن خيالن جو اظهار هن راولپنڊي چيمبر آف ڪامرس اينڊ انڊسٽريز جي صدر عثمان شوڪت جي سربراهي ۾ ملاقات ڪندڙ وفد سان ڳالهائيندي ڪيو. ملاقات دوران قومي ايڪسپورٽ ۾ اضافي ۽ عالمي واپار ۾ صنعت جي ڪردار کي مضبوط بڻائڻ جي حوالي سان ڳالهيون ڪيون ويون. ڄام ڪمال خان حڪومت پاران بزنس ڪميونٽي کي هر ممڪن سهولت فراهم ڪرڻ جي عزم کي ورجائيندي چيو ته ايڪسپورٽرز لاءِ سازگار ماحول پيدا ڪرڻ وقت جي ضرورت آهي. هن چيو ته پاڪستان جي معاشي ترقي ان ڳالهه سان ڳنڍيل آهي ته غير ضروري رڪاوٽون ختم ڪيون وڃن، صنعتن جو نيڪال گهٽايو وڃي ۽ عالمي منڊين تائين آسان رسائي فراهم ڪئي وڃي. ڄام ڪمال خان چيو ته عالمي واپاري رجحان تيزي سان بدلجي رهيا آهن ۽ بزنس ڪميونٽي کي نون موقعن جي نشاندهي لاءِ فعال ڪردار ادا ڪرڻو پوندو. آر سي سي آءِ جي وفد حڪومت جي واپاري ۽ صنعتي پاليسين ۾ مڪمل سهڪار جي خاطري ڪرائڻ ۽ عالمي منڊين ۾ پاڪستان جي ڪردار کي وڌيڪ اثرائتو بڻائڻ لاءِ تجويزون پيش ڪيون.
