وزيرآباد-30 آگسٽ (اي پي پي) وفاقي وزير چوڌري سالڪ حسين هيڊ خانڪي ڪنٽرول روم جو دورو ڪيو. وفاقي وزير کي ڊپٽي ڪمشنر گجرات ٻوڏ بابت بريفنگ ڏني. ان موقعي تي ضلعي گجرات جي انتظاميه جا اعليٰ آفيسر پڻ گڏ هئا. وزيرآباد جي تڪ پي پي 35 ۽ 36 جي ايم پي ايز سندس استقبال ڪيو. ان موقعي تي ميڊيا سان ڳالهائيندي وفاقي وزير چوڌري سالڪ حسين چيو ته دريائن تي ٻوڏ جي تباهڪارين کي روڪڻ لاءِ ننڍا ڊيم ضروري آهن، ٻي صورت ۾ آفتون اينديون رهنديون، آفتن جي موقعي تي تنقيد بدران تعميري سوچ اختيار ڪرڻي پوندي، جيڪي حڪومت کي ڳالهائي رهيا آهن اهي به هن موقعي تي ٻوڏ متاثرن جي مدد ڪن ته وڌيڪ بهتر آهي. هن چيو ته پنجاب حڪومت ۽ وفاقي حڪومت نقصانن جو ڪاٿو لڳائي رهيون آهن، مان وزيراعظم جو نمائندو بڻجي آيو آهيان ته جيئن ٻوڏ متاثرن جي هر ممڪن مدد ڪئي وڃي.ٻوڏ متاثرن جو جيئن ئي نقصانن جو ڪاٿو مڪمل ٿيندو کين مالي امداد فراهم ڪئي ويندي، هن وڌيڪ چيو ته پاڻي جي گذرگاهن تي اڏاوتون ڪندڙن کي هاڻي پاڻهي سوچڻ گهرجي ۽ پنهنجو پاڻ کي ٺيڪ ڪرڻ گهرجي. هاڻ اسان کي فيصلو ڪرڻو پوندو ته دريائن جي ويجهو ڊيم بڻايا وڃن جيڪڏهن ڊيم نه بڻيا ته جيڪو ڪجهه اڄ اسان سان ٿي رهيو آهي اهو ٻيهر پڻ ٿيندو تيستائين اهڙيون تباهيون اينديون رهنديون. جيستائين پاڻي جا ذخيرا نه ٺهندا اهڙن موقعن تي اسان کي افسوس ڪرڻ بدران مثبت ۽ مستقل پائيدار قدم کڻڻا پوندا.
