لاهور-28 آگسٽ (اي پي پي) پي ڊي ايم اي چيو آهي ته برساتن سبب دريائن ۽ ندي نالن ۾ شديد پوڏ واري صورتحال برقرار آهي. پي ڊي ايم اي جي ترجمان موجب چناب دريا ۾ مراله واري هنڌ وچولي درجي جي پوڏ آهي. چناب دريا ۾ مراله واري هنڌ پاڻي جو مٿانهون وهڪرو هڪ لک 91 هزار جڏهن ته هيٺاهون وهڪرو هڪ لک 85 هزار ڪيوسڪ آهي. چناب دريا ۾ خانڪي وٽ مٿانهين درجي جي پوڏ آهي. خانڪي وٽ پاڻي جو مٿانهون وهڪرو 8 لک 59 هزار ڪيوسڪ آهي. قادر آباد وٽ پڻ انتهائي خطرناڪ پوڏ واري صورتحال آهي ۽ پاڻي جو وهڪرو 9 لک 96 ڪيوسڪ آهي. راوي دريا ۾ جسٽر واري هنڌ پڻ وڏي پوڏ واري صورتحال آهي ۽ اتي پاڻي جو وهڪرو هڪ لک 39 هزار ڪيوسڪ آهي. ڊي جي عرفان علي مطابق راوي ۾ شاهدره واري هنڌ پاڻي جو وهڪرو هڪ لک 55 هزار ڪيوسڪ آهي. بلوڪي هيڊ ورڪس تي وچولي درجي جي پوڏ آهي ۽ پاڻي جو وهڪرو 93 هزار ڪيوسڪ آهي. ستلج دريا ۾ گنڊا سنگهه والا واري هنڌ به انتهائي اوچي درجي جي پوڏ آهي ۽ پاڻي جو هڪرو 2 لک 61 هزار ڪيوسڪ آهي. هيڊ سليمان واري هنڌ وچولي درجي جي ٻوڏ آهي ۽ پاڻي جو وهڪرو 1 لک 9 هزار ڪيوسڪ رڪارڊ ڪيو ويو آهي. جڏهن ته پي ڊي ايم اي جي ڊي جي عرفان علي اي پي پي کي ٻڌايو ته چناب دريا ۾ هيڊ قادر آباد وٽ پاڻي جي دٻاءَ ۾ گهٽتائي اچي رهي آهي پاڻي جو وهڪرو گذريل ڏينهن جي ڀيٽ ۾ گهٽجي 9 لک 96 هزار ڪيوسڪ ٿي ويو آهي. هِن چيو ته هيڊ قادر آباد جي صلاحيت 8 لک ڪيوسڪ پاڻي جي آهي جڏهن ته ان جي کاٻي پاسي واري بند کي مضبوط ڪيو پيو وڃي.
