بيجنگ-28 آگسٽ (اي پي پي) چين اعلان ڪيو آهي ته روس جو صدر ولاديمير پيوٽن ۽ اتر ڪوريا جو اڳواڻ ڪم جونگ ان بيجنگ ۾ 3 سيٽمبر تي ٿيندڙ هڪ وڏي فوجي پريڊ ۾ شرڪت ڪندا جيڪا ٻئي عالمي جنگ جي ياد ۾ منعقد ڪئي ويندي. پرڏيهي خابرو اداري مطابق چين جي پرڏيهي وزارت جي هڪ عهديدار هانگ لي پريس ڪانفرنس دوران ٻڌايو ته ان پريڊ ۾ ڪل 26 پرڏيهي مملڪتي سربراهه ۽ حڪومت جا نمائندا شرڪت ڪندا جن ۾ بيلاروس جو صدر اليگزينڊرلوڪاشينڪو، ايران جو صدر مسعود پزاشڪيان، انڊونيشيا جو صدر پرابووسبيانتو ۽ ڏکڻ ڪوريا جي نيشنل اسيمبلي جو اسپيڪر ووان شيڪ به شامل آهن. تقريب چين جي وڌندڙ فوجي طاقت ۽ روس چين ۽ عالمي ڏکڻ ملڪن وچ ۾ سفارتي يڪجهتي جو هڪ سلسلو آهي، صدر شي جن پنگ تيانانمن اسڪوائر ۾ هزارين فوجن جو معائنو ڪندو، جڏهن ته پريڊ ۾ جديد جنگي سازو سامان جهڙوڪ جنگي جهاز، ميزائل دفاعي نظام ۽ هائپر سونڪ، هٿيار به نمائش لاءِ پيش ڪيا ويندا.
