لنڊن-28 آگسٽ (اي پي پي) برطانيا ۾ صحافين لنڊن جي مرڪزي علائقي ۾ گڏ ٿي غزه ۾ پنهنجن ساٿين سان يڪجهتي جو اظهار ڪيو. پرڏيهي خابرو اداري جي رپورٽ موجب هلندڙ هفتي جي شروعات ۾ اسرائيلي فوج جي ٻن هوائي حملن ۾ پنج صحافي مارجي ويا هئا. رپورٽن موجب برطانيا جي نيشنل يونين آف جرنلسٽس جي ميمبرن وزيراعظم ڪيئر اسٽارمر جي گهر ۽ آفيس واري ڊاننگ اسٽريٽ جي ٻاهران احتجاج ڪيو. هنن حڪومت کان مطالبو ڪيو ته ميڊيا ورڪرز جي تحفظ لاءِ اثرائتا قدم کنيا وڃن ۽ حملن جي ذميوارن کي جوابدار قرار ڏنو وڃي. مظاهري کانپوءِ شرڪت ڪندڙ هڪ يادگار تقريب منعقد ڪئي جنهن ۾ 200 کان وڌيڪ صحافين جا نالا وڏي آواز ۾ پڙهيا ويا جيڪي نگران تنظيمن موجب 07 آڪٽوبر 2023ع کان پوءِ اسرائيلي فوجي ڪاروائين دوران غزه ۾ مارجي ويا آهن.
