پيرس-28 آگسٽ (اي پي پي) فرانس جي حڪومت اسپتالن کي امڪاني جنگي حالتن لاءِ ڪرڻ جو حڪم جاري ڪيو آهي. پرڏيهي ميڊيا مطابق فرانس جي صحت واري وزير ڪيٿرين فوترن هدايت ڪئي آهي ته اهڙا طبي مرڪز قائم ڪيا وڃن جيڪي جنگي زخمين جي علاج ۾ مهارت رکندا هجن ۽ روزاني 100 زخمين کي سنڀالڻ جي صلاحيت رکندا هجن، ٽن ڏينهن تائين ”عروج دوران“ اهو انگ 250 تائين وڌي سگهي ٿو. فرانس ۾ مقامي صحت جي ادارن کي تنبيهه ڏني وئي آهي ته هو ايندڙ سال دوران پيدا ٿيل ڪنهن به بحران لاءِ تيار رهن. صحت واري وزارت اعليٰ عهديدارن کي چيو آهي ته مارچ تائين صحت جو نظام مڪمل طور تي وڏي تياري لاءِ فعال ٿيڻ گهرجي. اهي مرڪز امڪاني طور تي اسٽيشنن ۽ هوائي اڏن ويجهو قائم ڪيا ويندا ته جيئن ضرورت پوڻ تي فوري رسپانس ممڪن ٿئي. حڪومت چاهي ٿي ته فرانس جا اسپتال هزارين پرڏيهي فوجين کي به سنڀالڻ لاءِ تيار هجڻ گهرجن.
