اسلام آباد -28 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ۽ جرمن پرڏيهي وزير ڊاڪٽر جوهانس واڊفيلڊ ٻنهي ملڪن جي ٻطرفي لاڳاپن کي وڌيڪ مضبوط ڪرڻ جي عزم کي ورجايو آهي. پرڏيهي آفيس پاران جاري ڪيل بيان موجب جرمن پرڏيهي وزير نائب وزيراعظم ۽ پرڏيهي وزير محمد اسحاق ڊار کي ٽيليفون ڪئي. ٻنهي اڳواڻن گڏيل طور تي لاڀائتي ٻطرفي تعاون کي وڌيڪ مضبوط ڪرڻ جي پنهنجي عزم کي ورجايو ۽ اعليٰ سطحي رابطن جي اهميت تي زور ڏنو. انهن علائقائي معاملن تي پڻ خيالن جي ڏي وٺ ڪئي.
