لاهور – 19 آگسٽ (اي پي پي) راولپنڊي ۽ چڪوال سميت پنجاب جي ٻين علائقن ۾ اڱاري ڏينهن زلزلي جا لوڏا محسوس ڪيا ويا. ريڪٽر اسڪيل تي زلزلي جي شدت 5.2 رڪارڊ ڪئي وئي. پي ڊي ايم اي جي ترجمان موجب زلزلي جو مرڪز افغانستان هندوڪش رينج ۽ گهرائي 190 ڪلوميٽر هئي. پي ڊي ايم اي جي شروعاتي رپورٽ موجب هن وقت تائين سڄي صوبي ۾ زلزلي سبب ڪنهن به نقصان جا اطلاع ناهن مليا. ڊي جي عرفان علي ڪاٺيا چيو اهي، ته پي ڊي ايم اي جي صوبائي ڪنٽرول روم سميت سڄي پنجاب جي ضلعي ايمرجنسي آپريشن سينٽرز مسلسل الرٽ آهن. سڄي پنجاب جي انتظاميه عمارتن جي چيڪنگ ۾ مصروف آهي. زلزلي جي نقصانن جو اطلاع پي ڊي ايم اي جي هيلپ لائين 1129 تي ڏئي سگهجي ٿو.
