ڪينبرا – 18 آگسٽ (اي پي پي) آسٽريليا ۽ ڏکڻ آفريقا جي ڪرڪيٽ ٽيمن وچ ۾ ھڪ ڏينھن وارين عالمي ميچن تي ٻڌل سيريز جو پھريون ميچ اڱارو 19 آگسٽ تي ڪازلي جي اسٽيڊيم، ڪيرنز واري ھنڌ کيڏيو ويندو. ڏکڻ آفريقا جي ٽيم پنھنجي آسٽريليا جي دوري دوران ميزبان ٽيم خلاف 3 ٽي-20 ۽ 3 ھڪ ڏينھن وارين عالمي ميچن جي سيريز کيڏندي، جنھن مان ٽي-20 سيريز کيڏي وئي آھي جڏھن ته ون ڊي سيريز کيڏي ويندي. ڏکڻ آفريقا ۽ آسٽريليا جون ٽيمون ڪيرنز پھچي چڪيون آھن جتي ٻنھي ٽيمن وچ ۾ 3 ون ڊي ڪرڪيٽ ميچن جي سيريز جي شروعات اڱاري کان پھرين ون ڊي ميچ سان ٿيندي، اھو ميچ ڪازلي جي اسٽيڊيم، ڪيرنز ۾ کيڏيو ويندو، ٻيو ون ڊي ميچ 22 آگسٽ تي جڏھن ته ٽيون ۽ آخري ون ڊي ميچ 24 آگسٽ تي ساڳي ھنڌ کيڏيو ڏيندو. ٽئي ون ڊي ميچ ڊي اينڊ نائيٽ ۽ فلڊ لائٽس جي روشني ۾ کيڏيا ويندا. ون ڊي سيريز ۾ ميزبان آسٽريلوي ٽيم جي قيادت بھترين آل رائونڊر مچل مارش جڏھن ته ڏکڻ آفريقا جي ٽيم جي قيادت ٽيمبابو وما ڪري رهيا آهن.
