ٽرينيڊاڊ -11 آگسٽ (اي پي پي) پاڪستان ۽ ويسٽ انڊيز جي ڪرڪيٽ ٽيمن وچ ۾ 3 هڪ ڏينهن وارين عالمي ميچن تي ٻڌل سيريز جي ٽين ۽ فيصلائتي ميچ اڱاري ڏينهن 12 آگسٽ تي برائن لارا اسٽيڊيم، تاروبار، ٽرينيڊاڊ ۾ کيڏيو ويندو. ميچ ڊي اينڊ نائيٽ هوندي ۽ فلڊ لائيٽ جي روشني ۾ کيڏيو ويندو. ان کان اڳ ٻنهي ٽيمن وچ ۾ ٽي ٽوئنٽي ميچن جي سيريز مڪمل ٿي چڪي آهي، جنهن ۾ پاڪستان جي ٽيم ڪاميابي حاصل ڪئي آهي. ٻنهي ٽيمن وچ ۾ 3 ون ڊي ميچن جي سيريز جي 1-1 تان برابر آهي، ون ڊي سيريز جو ٽيون ۽ فيصلائتو ميچ 12 آگسٽ تي کيڏيو ويندو جنهن لاءِ ٻنهي ٽيمن جي ڪپتانن سيريز ۾ ڪاميابي لاءِ بيان ڏنا آهن. واضح رهي ته ون ڊي سيريز ۾ پاڪستان ٽيم جي اڳواڻي محمد رضوان جڏهن ته ويسٽ انڊيز ٽيم جي اڳواڻي شائي هوپ ڪري رهيو آهي.
