اسلام آباد-06 آگسٽ (اي پي پي)قومي ورثي ۽ ثقافت بابت وفاقي وزير اورنگزيب خان کچي قومي ٻوليءَ کي هٿي وٺرائڻ واري اداري جو دؤرو ڪيو. ڊائريڪٽر جنرل ڊاڪٽر محمد سليم مظهر، آفيسرن ۽ ٻين سندس استقبال ڪيو. وزارت طرفان جاري پڌرائيءَ موجب وفاقي وزير اداري جي لائبريري، خطاطي، ڇپائي ۽ ٻين شعبن جو جائزو ورتو ۽ اداري جي پيشيوراڻين سرگرمين جي تعريف ڪئي. ڊاڪٽر محمد سليم مظهر اداري جي تحقيق، ڇپائي ۽ ثقافتي سرگرمين تي روشني وڌي ۽ کيس ٻُڌايو ته هاڻ تائين اداري 750 کان وڌيڪ ڪتاب شايع ڪيا آهن جن جي اندرون ملڪ ۽ پرڏيهه جي علمي ۽ ادبي حلقن ۾ ڀرپور پذيرائي ٿي آهي. ايگزيڪيوٽو ڊائريڪٽر راشد حميد ۽ محبوب خان بگٽي جاري ۽ ايندڙ منصوبن جي حوالي سان وفاقي وزير کي بريفنگ ڏني. وفاقي وزير اداري جي ڪارڪردگي کي ساراهيندي قومي ٻوليءَ کي هٿي وٺرائڻ جي ڪاوشن کي وقت جي اهم ضرورت قرار ڏنو. هن چيو ته اردو ٻولي اسان جي تهذيب، ثقافت ۽ قومي وحدت جي علامت آهي ۽ ان کي هٿي وٺرائڻ لاءِ قومي ورثي ۽ ثقافت ڊويزن جي سمورن ادارن جي ڀرپور گڏيل ڪردار ادا ڪرڻو پوندو. ان موقعي تي اداري طرفان وفاقي وزير کي اداري جي ويجهڙ ۾ ئي شايع ٿيل ڪتاب ”اردو لُغت“ (تاريخي اصولن تي) جو سووينيئر پيش ڪيو. وفاقي وزير اداري جي باغ ۾ ٻوٽو لڳايو.
