واشنگٽن-06 آگسٽ (اي پي پي) آمريڪي صدر ڊونلڊ ٽرمپ ڀارت مان امپورٽ تي وڌيڪ 25 سيڪڙو ٽيرف لاڳو ڪري ڇڏيو، جنهن کانپوءِ ڀارت تي مجموعي ٽيرف 50 سيڪڙو ٿي ويو. ڪشمير ميڊيا سروس موجب پرڏيهي خابرو اداري موجب آمريڪي صدر طرفان جاري ايگزيڪيوٽو آرڊر تحت ڀارت تي وڌيڪ 25 سيڪڙو ٽيرف لاڳو ڪيو ويو آهي. ياد رهي ته گذريل ڏينهن آمريڪي صدر چيو هو ته ڀارت مان امپورٽ تي موجوده 25 سيڪڙو ٽيرف کي ايندڙ 24 ڪلاڪن ۾ نمايان طور تي وڌائبو ڇاڪاڻ ته ڀارت روس کان تيل جي خريداري جاري رکي آهي. ٽرمپ سي اين بي سي کي هڪ انٽرويو ۾ چيو هو ته ڀارت هڪ سٺو واپاري پارٽنر ناهي رهيو، ان لاءِ اسان 25 سيڪڙو ٽيرف لڳائڻ جو فيصلو ڪيو هو، پر مان ايندڙ 24 ڪلاڪن ۾ ان ۾ تمام گهڻو اضافو ڪرڻ وڃي رهيو آهيان ڇاڪاڻ ته هو روس جو تيل خريد ڪري رهيو آهي. ان کان اڳ 30 جولاءِ تي صدر ٽرمپ ڀارت تي 25 سيڪڙو ٽيرف لاڳو ڪرڻ جو اعلان ڪيو هو جڏهن ته روس مسلسل فوجي ساز و سامان ۽ تيل جي خريداريءَ تي ڀارت تي ڏنڊ پڻ لاڳو ڪري ڇڏيو آهي.
