پشاور-06 آگسٽ(اي پي پي) خيبر پختونخواه جي گورنر فيصل ڪريم ڪنڊي سان چنڊ ڏسڻي ڪميٽي جي چيئرمين ۽ بادشاهي مسجد لاهور جي خطيب مولانا عبدالخبير آزاد گورنر هائوس پشاور ۾ ملاقات ڪئي. گورنر هائوس پشاور جي ترجمان مطابق ملاقات ۾ فرقيواراڻي هم آهنگي، اتحاد ۽ امن امان لاءِ عالم سڳورن جي ڪردار سميت مختلف معاملن تي تفصيلي خيالن جي ڏي وٺ ڪئي وئي. گورنر چيو ته ملڪ ۾ امن امان لاءِ سمورن مڪتب فڪر جي ماڻهن کي اتحاد ۽ اتفاق جو مظاهرو ڪرڻو پوندو. مولانا عبدالخبير آزاد، صوبي ۾ امن امان لاءِ گورنر جي ڪردار کي ساراهيو.
