اسلام آباد – 6 – آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار حڪومتي نظام جي مجموعي ڪارڪردگي کي بهتر بڻائڻ جي لاءِ حڪومت جي مختلف اهم شعبن سان بين الوزارتي اجلاس جي صدارت ڪئي. اجلاس ۾ بينالوزارتي تعاون کي مضبوط بڻائڻ، طريقيڪار کي آسان ۽ هڪ اهڙو طرز حڪمراني اختيار ڪرڻ تي ڳالهه ٻولهه ڪئي وئي جيڪو موثر، شفاف، جديد ٽيڪنالاجي سان ليس ۽ نتيجن تي بڌل هجي. نائب وزيراعظم جي آفيس پاران جاري بيان موجب نائب وزيراعظم ۽ پرڏيهي وزير اداراجاتي ڪارڪردگي، احتساب ۽ بهتر رابطي ۽ عملدرآمد جي ذريعي قابل پيمائش نتيجن جي فراهمي جي لاءِ حڪومت جي عزم جو ورجاءُ ڪيو. اجلاس ۾ مُختلف وزارتن جي وفاقي وزيرن، خاص مددگارن، وفاقي سيڪريٽريز ۽ لاڳاپيل ادارن جي ٻين آفيسرن شرڪت ڪئي.
