اسلام آباد – 6 – آگسٽ (اي پي پي) وزيراعظم محمد شهباز شريف اسلام آباد جي ڪيترن ئي علائقن ۾ برسات کانپوءِ برساتي نالن جي ڀرپاسي رهائشي علائقن ۾ ٻوڏ واري ڪيفيت جو نوٽيس وٺندي ضلعي انتظاميا ۽ سي ڊي اي کي ماڻهن کي ريسڪيو ڪرڻ ۽ پاڻي جي نيڪالي جي لاءِ قدمن جي هدايت ڪئي آهي. وزيراعظم آفيس جي ميڊيا ونگ پاران جاري بيان موجب وزيراعظم برساتي نالن جي ڀرپاسي هيٺئين علائقن ۾ رهندڙ آبادين جي لاءِ حفاظتي قدمن، پاڻي سان پکڙجندڙ بيمارين کان تحفظ جي لاءِ صحت جي شعبي کي پڻ هاءِ الرٽ رهڻ ۽ قدم کڻڻ جي پڻ هدايت ڪئي. وزيراعظم ٻوڏ واري صورتحال ۽ ماڻهن جي تحفظ کي يقيني بڻائڻ ۽ امدادي ڪاررواين جي نگراني جي لاءِ ڪميٽي قائم ڪري ڇڏي.
