اسلام آباد – 04 آگسٽ (اي پي پي) وزيراعظم محمد نواز شريف چيو آهي ته هڪ ٻيو به ڌرڻو ڏيڻ جو ارادو رکندڙ سياسي پارٽين کي هاڻي به ڪجهه حاصل نه ٿيندو، اهڙي نعرن سان پاڪستان جي عوام کي گمراهه نٿو ڪري سگهجي ، هن اها ڳالهه پاڪستان مسلم ليگ (ن) جي پارلياماني پارٽي جي اجلاس کي خطاب ڪندي چئي. اجلاس ۾ ڪابينا جي ميمبرن، سينيٽرن، قومي ۽ صوبائي اسيمبلي جي ميمبرن ۽ صلاحڪارن سميت مسلم ليگ (ن) جي ميمبرن وڏي تعداد ۾ شرڪت ڪئي، وزيراعظم جي اجلاس ۾ اچڻ تي شرڪت ڪندڙن سندس ڀرپور آجيان ڪئي.
