اسلام آباد – 28 مئي (اي پي پي) پرڏيهي وزارت ڀارتي وزيراعظم جي تازي ريمارڪس تي ڳڻتي جو اظهار ڪندي چيو آهي ته اها ڳالهه انتهائي افسوسناڪ آهي جڏهن ته مڪمل طور تي غيرمتوقع به نه آهي ته ڀارتي وزيراعظم هڪ ڀيرو ٻيهر تاريخي نظرثاني جي جاري منصوبي کي هڪ طرف رکي ڇڏيو آهي ته جيئن اقليتن جي اندروني ڏاڍ کي هڪ ٻي اشتعال انگيز يڪجهتي ڏئي سگهجي. پرڏيهي آفيس جي ترجمان پاران جاري پڌرائي موجب ڀارتي وزيراعظم پاران پاڻي کي هٿيار بڻائڻ جي حوالي سان سندس بيان هڪ گڏيل معاهدي جي پابندي، عالمي اصولن سان افسوس جوڳو انحراف آهي ۽ خطي ۾ ڀارت جو طرز عمل عالمي ارادن سان واضح ٽڪراءُ جي عڪاسي ڪري ٿو. پرڏيهي آفيس چيو ته عالمي احترام جي پيروي ڪندڙ حقيقي قيادت اڳ ۾ پنهنجي اندر جهاتيءَ پائي ۽ ٻين کي ڌمڪيون ڏيڻ کان اڳ پنهنجي ضمير کي مطمئن ڪرڻ جي ڪوشش ڪري ٿي. پرڏيهي آفيس وڌيڪ چيو ته ڀارتي حڪومت جو تعلق عدالت کان مٿانهين قتل ۽ غيرملڪي بغاوت سان واڳيل آهي، ڀارت غيرملڪي عوام ۽ علائقن تي قابض آهي. غيرقانوني طور تي والاريل ڄمون ۽ ڪشمير ۾ ڀارت جو رڪارڊ سدائين کان منظم ڏاڍ تي ٻڌل آهي، ستم ظريقي آهي ته هڪ اهڙي رياست هاڻي مظلوميت جي چادر اوڍڻ جي ڪوشش ڪري رهي آهي. ڀارت جي موجوده حڪومت جي نظرياتي ڪارڪنن گروهي تشدد کي معمول بڻائي ڇڏيو آهي، نفرت انگيز مهمن کي فروغ ڏنو آهي ۽ سدائين مذهبي اقليتن کي نشانو بڻايو آهي. اهڙي طرح جون ڪارروايون ڪنهن ملڪ جي اندروني سياست کي ته فروغ ڏئي سگهن ٿيون پر عالمي صورتحال جو مقابلو نه ٿيون ڪري سگهن ۽ نه ئي عالمي برادري هڪ ذميوار علائقائي طاقت جي طور تي ڀارت تي اعتماد ڪري سگهي ٿي. پاڪستان ڀارت تي زور ڏنو آهي ته هو عالمي نظام جي بنيادي اصولن طرف واپس اچي جنهن ۾ ٻين جي خودمختيار حقن ۽ معاهدي جي ذميوارين جي احترام سان گڏوگڏ زبان ۽ عمل ٻنهي ۾ تحمل شامل آهي. چونڊ مهم تي تاڙيون وڄائي سگهجن ٿيون پر اها ڊگهي مدي واري امن ۽ استحڪام کي نقصان پهچائي ٿي. ڀارت جا نوجوان جيڪي اڪثر انتهاپسند قوم پرستي جو پهريون شڪار ٿين ٿا انهن کي گهرجي ته خوف جي سياست کي رد ڪري ڇڏين ۽ ان بدران ڀارتي نوجوان طبقي جي لاءِ بهتر ٿيندو ته وقار ۽ علائقائي تعاون تي ٻڌل مستقبل جي لاءِ ڪم ڪن.
