اسلام آباد – 28 جولاءِ (اي پي پي) ريلوي واري وفاقي وزير خواجه سعد رفيق چيو آهي ته پاڪستان ريلوي آمريڪا کان 55 ريل انجڻيون خريد ڪري رهيو آهي، جيڪي جولاءِ 2017ع تائين اسان جي حوالي ڪيون وينديون، 2008ع کان هينئر تائين ريلويز 63 انجڻيون ٻاهرين ملڪن کان خريد ڪيون آهن، سينيٽ جي اجلاس ۾ سوالن جي وقفي دوران سنيٽر عتيق شيخ جي سوال جي جواب ۾ ريلوي واري وفاقي وزير سعد رفيق ٻڌايو ته 86 سيڪڙو ريلوي جون پلون سئو سالن کان به وڌيڪ پراڻيون آهن، انهن کي بهتر بڻائڻ جو ڪم باقاعده بنيادن تي ڪيو ويندو آهي، ريلويز پل حفاظتي معيار موجب آهن
