تهران -31 ڊسمبر (اي پي پي) ايران پنهنجي موقف ۾ شام ۾ هڪ ڀيرو ٻيهر گڏيل حڪومت جوڙڻ جو مطالبو ڪيو آهي. پرڏيهي ميڊيا موجب ايران جي پرڏيهي وزير عباس عراقچي گذريل ڏينهن پنهنجي عمان جي هم منصب بدر البوسعيد سان گڏيل پريس ڪانفرنس دوران چيو ته اسان هڪ اهڙي حڪومت جو مطالبو ڪيون ٿا جنهن ۾ سموريون شام جون ڌريون شامل هجن. هن سلامتي ۽ استحڪام کي برقرار رکڻ سان گڏو گڏ شام جي علائقي سلامتي ۽ خودمختياري ۽ ورڇ کي رد ڪرڻ جي اهميت تي به زور ڀريو. هن شام جي اندروني معاملن ۾ عدم مداخلت تي زور ڀريو. هن عبوري انتظاميه تي زور ڀريو ته سمورين قومن جو احترام ڪيو وڃي. سندس حقن جي ضمانت ڏني وڃي. هن شام جي زمينن تي اسرائيلي قبضي کي ختم ڪرڻ جو مطالبو به ڪيو.
