واشنگٽن -13 ڊسمبر (اي پي پي ) آمريڪا ۾ پاڪستان جي سفير رضوان سعيد شيخ ڪانگريس جي ميمبر ۽ پرڏيهي معاملن واري ڪميٽي جي چيئرمين برائن ماسٽ سان ملاقات ڪئي ملاقات ۾ ٻنهي ملڪن جي وچ ۾ ٻه طرفه لاڳاپن کي وڌيڪ مستحڪم بنائڻ تي خيالن جي ڏي وٺ ڪئي وئي فلوريڊا مان ڪانگريس جي ميمبر برائن ماسٽ کي ويجهڙ ۾ ريپبلڪن سٽيئرنگ ڪميٽي جو اڳواڻ چونڊيو ويو آهي. پاڪستان جي سفير رضوان سعيد پنهنجي ٽويٽ ۾ چيو ته اسان وسيع تر اقتصادي سهڪار ذريعي ٻه طرفه لاڳاپن کي مضبوط بنائڻ جي باري ۾ پر اميد ڳالهه ٻولهه ڪئي ۽ اڀرجندڙ عالمي منظر نامي ۾ پاڪ آمريڪا سهڪار ۽ حصيداري کي اڳتي وڌائڻ جي باري ۾ به ڳالهه ٻولهه ڪئي.
