قازان-25 آڪٽوبر (اي پي پي)روس چيو آهي ته هو وچ اوڀر ۾ تڪرارن جي خاتمي ۾ مدد لاءِ تيار آهي. پرڏيهي خابرو اداري موجب روس جي صدر ولاد مير پيوٽن چيو آهي ته روس وچ اوڀر ۾ جاري واقعن تي فڪر مند آهي ۽ سندس خيال آهي ته اتي تڪرارن جي حل لاءِ حالتون پيدا ڪرڻ ۾ سندس ڪردار آهي. هن وڌيڪ چيو ته روس نٿو چاهي ته تڪرار پکڙجي، هو سمجهي ٿو ته خطي جو ڪو به ملڪ مڪمل جنگ نٿو چاهي، روس جي صدر چيو ته وچ اوڀر مڪمل جنگ جي ڪناري تي آهي، هن تشدد جي خاتمي جو مطالبو ڪيو. روسي شهر قازان ۾ برڪس پلس سربراهي اجلاس ۽ دوستن جي پهرين مڪمل اجلاس کي پنهنجي خطاب ۾ روس جي صدر چيو ته وچ اوڀر جو بحران تاريخ جو سڀني کان خوني بحران بڻجي ويو آهي. هن وضاحت ڪئي ته وچ اوڀر جي بحران سبب ڳڻتي پيدا ٿئي ٿي.
