رياض-09 آڪٽوبر (اي پي پي) سعودي عرب جي دفاعي واري وزير خالد بن عبدالعزيز ۽ آمريڪي هم منصب لائيڊ آسٽن ٽيلي فون تي رابطو ڪيو. پرڏيهي ميڊيا موجب رابطي ۾ سعودي عرب ۽ آمريڪا وچ ۾ اسٽريجٽڪ شراڪتداري ۽ دفاعي ناتن کي مضبوط بڻائڻ جي طريقن جو جائزو ورتو ويو. ٻنهي دفاع وارن وزيرن علائقائي ۽ عالمي صورتحال سميت خطي ۾ ڇڪتاڻ ۽ ان جي اثرن کي گهٽائڻ کانسواءِ خطي ۾ سلامتي ۽ استحڪام کي هٿي ڏيڻ جي ڪوششن تي خيالن جي ڏي وٺ ڪئي. شهزاده خالد بن سلمان ايڪس تي جاري پوسٽ ۾ لکيو آهي ته آمريڪي هم منصب سان رابطي ۾ سعودي آمريڪي اسٽريجٽڪ شراڪتداري ۽ پنهنجي دفاعي سهڪار کي مضبوط بڻائڻ جي طريقن جو جائزو ورتو.
