بغداد – 02 سيپٽمبر (اي پي پي)عراق چيو آهي ته عسڪريت پسند گروپ داعش هاڻي عراق لاءِ خطرو ناهي ۽ داعش سان وڙهڻ لاءِ مقرر آمريڪا جي قيادت هيٺ پرڏيهي فوجين جي واپسي لاءِ ڳالهيون جاري آهن. اهي ريمارڪس عراق جي وزيراعظم، عراق ۾ آمريڪي سفير اليناايل رومنووسڪي جي موجودگي ۾ عراق ۾ داعش خلاف آمريڪا جي قيادت هيٺ اتحاد جي ڪمانڊر ميجر جنرل ڪيون سي لي سان ڳالهين دوران ڏنا. عراق جي وزيراعظم جي ميڊيا آفيس پاران جاري بيان ۾ ٻڌايو ويو ته داعش جي عسڪريت پسندن جي باقيات اهڙن گروپن ۾ تبديل ٿي وئي آهي جن کي عراق جي فوج ملڪ جي ڏورانهن علائقن ۾ نشانو بڻائي رهي آهي. ميڊيا آفيس چيو ته ملاقات ۾ عراق ۽ آمريڪا جي قيادت هيٺ اتحاد جي مشن کي ختم ڪرڻ تي ڌيان ڏنو ويو.
