برازيليا- 15 آگسٽ (اي پي پي)برازيل چيو آهي ته چين سان برازيل جا لاڳاپا احترام، اعتماد ۽ ٺوس فائدن تي ٻڌل آهن. اها ڳالهه برازيل جي پرڏيهي وزارت گذريل ڏينهن ٻنهي ملڪن وچ ۾ سفارتي لاڳاپن جا 50 سال مڪمل ٿيڻ کان هڪ ڏينهن اڳ پنهنجي بيان ڪئي. پرڏيهي خابرو اداري مطابق برازيل جي پرڏيهي وزارت چين سان ملڪ جي لاڳاپن جي معيار تي زور ڀريندي چيو آهي ته ٻنهي ملڪن احترام، اعتماد ۽ ٺوس فائدن تي ٻڌل لاڳاپا قائم ڪيا آهن. وزارت چيو ته چين برازيل جو اهم واپاري شراڪتدار آهي ۽ 2009ع کان پرڏيهي سيڙپڪاري جو سڀ کان وڏو ذريعو آهي. وزارت چيو ته ٻه طرفا لاڳاپا چين-برازيل جي اعليٰ سطحي رابطي ۽ سهڪار ڪميٽي جي فريم ورڪ اندر اڳتي وڌي رهيا آهن.
