جده-06 آگسٽ (اي پي پي) اسلامي سهڪار تنظيم (او آءِ سي) پرڏيهي وزيرن جي سطح تي ايگزيڪيوٽو ڪميٽي جو غيرمعمولي اجلاس (اڄ) 7 آگسٽ تي منعقد ڪندي. ميڊيا موجب او آءِ سي سيڪريٽريٽ طرفان جاري بيان ۾ چيو ويو ته اجلاس ۾ فلسطيني عوام خلاف جاري اسرائيلي ڏوهن، ايران ۾ فلسطيني اڳواڻ جي قتل ۽ ايران جي خودمختياري خلاف اسرائيل جي جارحيت تي ڳالهيون ڪيون وينديون. او آءِ سي جو هي اجلاس فلسطيني عوام خلاف خاص ڪري غزه ۾ جاري اسرائيلي نسل ڪشي تي طلب ڪيو ويو آهي.
