اسلام آباد – 25 – جون (اي پي پي) وزيراعظم محمد شهباز شريف نوجوان ڪاروباري ماڻهن تي ٻڌل يوٿ انٽر پرينيورز ايڊوائيزري ڪميٽي جوڙڻ جي هدايت ڪندي چيو آهي ته حڪومت ڪاروباري برادري کي معاشي سرگرمين جي فروغ جي لاءِ سموريون سهولتون فراهم ڪندي، ڪاروباري سرگرمين جي لاءِ سازگار ماحول فراهم ڪرڻ ۽ ڪاروبار دوست پاليسيون جوڙڻ حڪومت جي اولين ترجيح آهي. وزيراعظم آفيس جي ميڊيا ونگ پاران جاري بيان موجب اهڙن خيالن جو اظهار هن نوجوان انٽر پرينيورز جي وفد سان ڳالهائيندي ڪيو جنهن ساڻس ملاقات ڪئي. وفد ۾ ٽيڪسٽائيل، تعميرات، آئل اينڊ گئس، تعليم، صحت، لاجسٽڪس، زراعت، برآمدات ۽ ٻين شعبن سان تعلق رکندڙ نوجوان ڪاروباري ماڻهو شامل هئا. وزيراعظم چيو ته نوجوان ڪاروباري ماڻهو اسان جي معيشت ۽ اسان جي ملڪ جي مستقبل جا معمار آهن، حڪومت ڪاروباري برادري کي معاشي سرگرمين جي فروغ جي لاءِ سموريون سهولتون فراهم ڪندي. هن چيو ته پاڪستاني روانگي واپار کي عالمي سطح تي فروغ ڏيڻ ملڪي معيشت جي لاءِ لازمي آهي، پاڪستاني روانگي واپار جي فروغ جي لاءِ نوجوان ڪاروباري ماڻهو انتهائي اهم ڪردار ادا ڪري سگهن ٿا، حڪومت ۽ ڪاروباري برادري جي تعاون سان ملڪ جو مالي ۽ واپاري خسارو گهٽ ڪري سگهجي ٿو. وزيراعظم چيو ته پاڪستان ۾ نوجوانن جي وڏي انگ کي باصلاحيت افرادي قوت ۾ تبديل ڪري ملڪي معيشت کي متحرڪ ڪري سگهجي ٿو، حڪومت معاشي موقعن جي فراهمي ۾ صنفي فرق ختم ڪرڻ جي لاءِ ڪوششون ڪري رهي آهي. هن چيو ته جديد ٽيڪنالاجي جي مدد سان زرعي جنسن جي پيداوار ۾ اضافو پاڪستاني روانگي واپار ۾ اضافي جي لاءِ اهم ثابت ٿيندو، اسان حڪومت جي ماپي ۾ گهٽتائي ۽ حڪومتي ادارن کي وڌيڪ فعال بڻائڻ جي لاءِ پرعزم آهيون. وزيراعظم چيو ته ڪاروباري سرگرمين جي لاءِ سازگار ماحول فراهم ڪرڻ ۽ ڪاروبار دوست پاليسيون جوڙڻ حڪومت جي اولين ترجيح آهي. وزيراعظم اقتصادي مشاورتي ڪميٽي جي طرز تي نوجوان ڪاروباري ماڻهن تي ٻڌل يوٿ انٽر پرينيورز ايڊوائيزري ڪميٽي جوڙڻ جي هدايت ڪئي. وزيراعظم چيو ته چين ۽ پاڪستان جي وچ ۾ ڪاروباري حصيداري جو فروغ اسان جي اولين ترجيح آهي، چين پاڪستان اقتصادي لنگهه منصوبي جي ٻئي مرحلي ۾ صنعتي ترقي جي رفتار تيز ٿي ويندي. ملاقات ۾ وفد مختلف شعبن ۾ پاڪستاني ڪاروباري برادري جي عالمي ۽ ملڪي سطح تي ڪاميابين ۽ انهن کي درپيش مختلف مسئلن جي حوالي سان آگاهه ڪيو. وفد پاڪستان اسٽاڪ ايڪسچينج جي تاريخ ساز ڪاميابي تي وزيراعظم کي خراج تحسين پيش ڪيو. وزيراعظم پاڪستاني ڪاروباري برادري خاص طور تي نوجوان ڪاروباري ماڻهن کي انهن جي ڪوششن تي ساراهيو. ملاقات ۾ واپار وارو وفاقي وزير ڄام ڪمال خان، اطلاعات ۽ نشريات وارو وفاقي وزير عطاءُ الله تارڙ، توانائي وارو وفاقي وزير سردار اويس احمد خان لغاري، نجڪاري وارو وفاقي وزير عبدالعليم خان، چيئرمين پرائيم منسٽر يوٿ پروگرام راڻا مشهود احمد خان، وفاقي وزارتن جا سيڪريٽريز ۽ لاڳاپيل ادارن جا اعليٰ آفيسر پڻ موجود هئا.
