جنيوا -16 مئي (اي پي پي )صحت جي عالمي کاتي چيو آهي ته دل جي شريانين جو مرض يورپ ۾ 40 سيڪڙو موت جو سبب آهي، اهو هڪ ڏينهن 10 هزار ۽ سال ۾ 40 لک فوتگين جي برابر آهي. صحت جي عالمي کاتي جي يورپ برانچ جي ڊائريڪٽر هانس ڪليوگ يورپي شهرين تي زور ڏنو آهي ته هو کاڌي ۾ لوڻ جي مقدار گهٽ ڪن هن چيو ته لوڻ جي مقدار 25 سيڪڙو تائين گهٽ ڪرڻ تي عمل در آمد سان 2030 تائين دل جي بيماري تي ڪنٽرول ڪري 9 لک جانيون بچائي سگهجن ٿيون . يورپ ۾ 30 کان 79 سالن جي ڄمار جي ٽن مان هڪ بالغ فرد هائي بلڊ پريشر جو شڪار آهي عالمي صحت جي اداري جي رپورٽ موجب ان خطي ۾ عورتن جي ڀيٽ ۾ مڙدن ۾ دل جي بيماري سبب فوتگين جو انگ 2.5 ڀيرا وڌيڪ آهي .
