اسلام آباد – 06 – مئي (اي پي پي) صدر آصف علي زرداري اڄ سومر ڏينهن ڪوئيٽا جو سرڪاري دورو ڪندو. ايوان صدر جي پريس ونگ پاران جاري بيان موجب صدر جو عهدو سنڀالڻ کانپوءِ اهو بلوچستان پهريون دورو هوندو. صدر کي بلوچستان ۾ امن امان جي مجموعي صورتحال تي بريفنگ ڏني ويندي، کيس بلوچستان ۾ ترقياتي منصوبن بابت پڻ آگاهه ڪيو ويندو. صدر آصف علي زرداري جي اعزاز ۾ بلوچستان جو وڏو وزير آجياڻو ڏيندو، صدر بلوچستان جي صوبائي اسيمبلي جي نئين چونڊيل ميمبرن سان پڻ ملاقات ڪندو.
