ابوظهبي- 06 مئي (اي پي پي) گڏيل عرب امارتن بين الاقوامي سهڪار بابت مملڪتي وزير ريم الهاشمي چيو ته امارتن طرفان غزه جي پٽي خاص طور تي اترئين علائقي ۾ غذائي امداد جي محفوظ ۽ ڪامياب فراهمي ۽ تقسيم جي عمل ۾ اضافي لاءِ اهم آهي. هن چيو ته اسان ڀائر فلسطيني عوام سان يڪجهتي ۽ سندن ڏکيائين جي خاتمي جي حوالي سان پنهنجي موقف تي قائم آهيون. گڏيل عرب امارتن اها امداد آمريڪن نيئر ايسٽ ريفيو جي ايڊ (انيرا) جي شراڪت سان فراهم ڪئي. 12 ٽرڪن تي ٻڌل ان قافلي ۾ 264 ٽن کان وڌيڪ امدادي سامان، خوراڪ، پاڻي ۽ کجور شامل آهن. آپريشن شيولرز نائٽ 3 تحت غزه ۾ داخل ٿيل ٽرڪن جو ڪل تعداد 440 تائين پهچي ويو آهي، جنهن سان غزه جي عوام جي شديد ڏکيائين کي گهٽائڻ ۽ انهن جي بنيادي ضرورتن کي پورو ڪرڻ ۾ مدد ملندي.
