قاهره _ 22 اپريل (اي پي پي ) مصر جو ماهيگر جوڙو 40 سالن کان درياءِ نيل ۾ ڪاٺ سان ٺهيل ٻيڙي تي گذاري رهيو آهي . ايس پي اي مطابق ميڊيا سان ڳالهائيندي مصري ماهگير ” ابو عصام “ ٻڌايو ته هو ۽ سندس زال رڳو ضرورت تحت يا دريا مان مڇون پڪڙي کين وڪرو ڪرڻ لاءِ ۽ زمين تي ويندا آهن . هن چيو ته جيڪڏهن ضرورت کان وڌيڪ دريا کان ٻاهر رهياسين ته مڇين وانگر مري وينداسي . وچ دريا ۾ رهڻ کين سٺو لڳندو آهي . هنن چيو ته هو ندگي جا 40 سال درياءِ نيل ۾ ان ٻيڙي اندر گذاري چڪا آهن . ابو عصان جي زال چيو ته هن سٺن ۽ خراب ڏينهن ۾ پنهنجي مڙس جو ساٿ ڏنو آهي . کين درياءِ ۾ زندگي گذارڻ ، سمهڻ ۽ کاڌو تيار ڪندي سٺو لڳندو آهي کين دريا جي زندگي عزيز آهي ۽ هاڻي ان حوالي سان ڪو مسئلو ناهي .
