گڏيل قومون – 02 مارچ (اي پي پي) گڏيل قومن چيو آهي ته ڏڪار جو شڪار غزه ۾ مارچ دوران انساني همدردي جي بنياد تي امداد جي روزانو 159 ٽرڪن کي داخلي جي اجازت ڏني جيڪا علائقي جي ضرورت کان گهڻي گهٽ آهن. شنهوا گڏيل قومن جي اداري رليف اينڊ ورڪس جي غزه جي صورتحال باري ايڪس تي جاري بيان جي حوالي سان ٻڌايو ته مارچ دوران انساني همدردي جي بنياد تي سامان جون 159 ٽرڪن کي اسرائيل طرف غزه ۾ داخلي جي اجازت ملي جيڪا هتي جي ضرورت کان انتهائي گهٽ سطح جي مقدار آهي. اداري جو چوڻ آهي ته دنيا جي ڪيترن ملڪن کان مصري رستي موڪلي ويندڙ امداد جو اڪثر حصو اسرائيلي رڪاوٽن سبب مصر ۾ اجازت جو منتظر آهي. واضح رهي ته تل ابيب انتظاميه ڏکڻ آفريقا جي اسرائيل خلاف داخل نسل ڪشي جي ڪيس ۾ غزه کي انساني همدردي جي بنياد تي امداد جي اجازت ڏيڻ باري ۾ عالمي عدالت انصاف جي عارضي فيصلي تي عملدرآمد کان به انڪار ڪري ڇڏيو آهي.
