اسلام آباد – 18 – مارچ (اي پي پي) پرڏيهي وزير محمد اسحاق ڊار سان چين جي سفير جيانگ زيڊونگ ملاقات ڪئي. پرڏيهي آفيس پاران جاري بيان موجب ملاقات دوران پرڏيهي وزير چيو ته پاڪ چين جي هر موسم ۾ اسٽريٽجڪ ڪوآپريٽو پارٽنرشپ ٻنهي ملڪن جي ترقي ۽ خوشحالي ۽ علائقائي امن ۽ استحڪام جي لاءِ لازمي آهي. پرڏيهي وزير ٻطرفي لاڳاپن کي مضبوط بڻائڻ جي لاءِ ٻنهي ملڪن جي قيادت جي اڻٿڪ عزم جو ذڪر ڪندي ٻنهي ملڪن جي قيادت جي تصور موجب ٻطرفن لاڳاپن کي وڌيڪ گهرو ڪرڻ ۽ چين پاڪستان اقتصادي لنگهه جي فيز ٽو کي اڳتي وڌائڻ جي لاءِ گڏيل ڪوششن جي لاءِ پاڪستان جي عزم جو ورجاءُ ڪيو. چين جي سفير جيانگ زيڊونگ چين پاران پاڪستان کي ڏني ويندڙ خصوصي اهميت ۽ پاڪستان جي سماجي ۽ اقتصادي ترقي، صنعتي ۽ زرعي تعاون جي لاءِ ان جي ڀرپور حمايت تي زور ڏنو. هن پرڏيهي وزير سان سي پيڪ جي فيز ٽو جي اعليٰ معيار جي ترقي تي پڻ اتفاق ڪيو.
