ولاريل بيت المقدس-15 مارچ (اي پي پي) فلسطين جي صدر محمود عباس فلسطين انويسٽمنٽ فنڊ( پي ايف آءِ ) جي چيئرمين محمد مصطفيٰ کي ملڪ جو نئون وزيراعظم مقرر ڪيو آهي.ميڊيا رپورٽن موجب فلسطين جي صدر جاري ڪيل بيان ۾ چيو آهي ته اسان محمد مصطفيٰ کي نئون وزيراعظم مقرر ڪرڻ جو فيصلو ڪيو آهي ۽ ان کي قانون ذريعي مقرر وقت اندر فلسطين جي 19هين حڪومت جوڙڻ جو حڪم ڏنو ويو آهي. فلسطين جي نيشنل اٿارٽي جي سربراه نئين وزيراعظم تي زور ڀريو آهي ته اهو فلسطيني عوام جي مفاد جو تحفظ ڪري، فلسطين جي ڪاميابين کي برقرار رکي ۽ ان ۾ اضافو ڪري.
