رياض-14 مارچ (اي پي پي)سعودي عرب جي شهر مديني ۾ حضرت سلمان الفارسي سان منصوب ڪيل کوهه جنهن کي الفقير کوه به چيو ويندو آهي ترقياتي ۽ مرمتي ڪمن جي مڪمل ٿيڻ کان پوءِ ٻيهر زائرين لاءِ کوليو ويو آهي. ميڊيا رپورٽن موجب ان قديم کوهه جي تاريخ 1400 سال اڳ جي آهي جنهن جو تعلق آخري نبي صلعم جي زماني سان آهي،مدينه منوره جي الفقير علائقي ۾ واقع کوهه جي چئني پاسن ۾ باغ آهن، ان کوه جو پاڻي پيئڻ لاءِ استعمال ڪيو ويندو هو. مدينه ريجن ڊويلپمنٽ اٿارٽي ۽ ٻين لاڳاپيل ادارن جي نگراني ۾ ان تاريخي ماڳ کي زائرين لاءِ ٻيهر کوليو ويو آهي.
