مڪه مڪرمه _ 29 فيبروري (اي پي پي ) سعودي عرب جي اسلامي معاملن واري وزير شيخ ڊاڪٽر عبد الطيف بن عبد العزيز آل شيخ رمضان المبارڪ جي حوالي سان عرفات ۾ مسجد نمره ۽ مسج تنعيم جو دورو ڪيو ۽ اتي ٿيندڙ ڪمن جو جائزو ورتو ويو آهي . ان موقعي تي اسلامي معاملن واري وزير اتي ڪم ڪندڙ انجنيئر جي ٽيم سان به ملاقات ڪئي ۽ ڪم جي معيار ۽ احساس ذميواري جي اهميت تي زور ڏنو . ترقياتي معاملن جي حوالي سان اسلامي معاملن واري وزير کي ٻڌايو ته حج پانڌيئڙن کي گرمي کان محفوظ رکڻ لاءِ پراجيڪٽ مسٽ ايئر ڪولنگ ٽيڪنالوجي تحت ڪم ڪندو آهي. جيڪو ٻاهرين هوا کان ٿرمل توانائي جذب ڪري اندروني گرمي پڌ کي گهٽ ڪندو آهي . ڄاڻايل پراجيڪٽ 60 پکن تي ٻڌل آهي جنهن کي 29 ڪنڪريٽ پلرز ۾ تقسيم ڪيو ويو آهي . پراجيڪٽ 12 هزار مربع ميٽر ايراضي تي ٻڌل آهي اهڙي طرح گرمي پڌ کي 9 سينٽي گريڊ تائين گهٽ ڪرڻ ممڪن ٿي سگهي ٿو .
