روم-21 فيبروري (اي پي پي) اٽلي چيو آهي ته جي – 7 ملڪن جون روس تي نيون پابنديون لڳائڻ لاءِ ڳالهين جي سلسلي ۾ ورچوئل اجلاس ايندڙ هفتي منعقد ڪيو ويندو. ميڊيا رپورٽن موجب جي – 7 گروپ جي صدارت ڪندڙ ملڪ اٽلي جي جاري ڪيل بيان ۾ چيو ويو آهي ته يورپي يونين پاران پابندين جو نئون پيڪيج شروع ڪيو ويندو ۽ آمريڪا پڻ انهن پابندين کي سخت ڪرڻ جي منظوري ڏيندو. اميد آهي ته يوڪرين جو صدر ولاديمير زيلنسڪي آن لائن شرڪت ڪندو. يوڪرين جي صدر چيو آهي ته فوجي امداد ۾ اولهه پاران دير ڏکئي صورتحال جو سبب بڻجي رهي آهي.
