رياض-01 فيبروري(اي پي پي) خادم الحرمين الشريفين جي هدايت تي عمره زائرين مهمانن جو ٻيو گروپ مديني پهچي ويو. ميڊيا رپورٽن موجن عمره زائرين جي ٻئي گروپ ۾ ڏکڻ آمريڪا جي پندرهن ملڪن جون 250 شخصيتون شامل آهن، مهمان زائرين مديني پهچڻ تي شاهه سلمان ۽ ولي عهد شهزاده محمد بن سلمان جو شڪريو ادا ڪيو، هنن چيو ته خادم الحرمين الشريفين جي ڪري اسان کي عمري جي سعادت نصيب ٿي رهي آهي. واضع رهي ته شاهي خدمت ۾ عمره ۽ زيارت پروگرام اسلام ۽ اسلام جي خدمت ڪرڻ واري پروگرام جو حصو آهي.
