شارجا- 01 فيبروري(اي پي پي)شارجا پوليس 8 لک درهمن جي سون جي چوري ۽ اسمگلنگ جي ڪوشش ناڪام بڻائي ڇڏي. ميڊيا رپورٽن موججب شارجا جي خورفڪان شهر ۾ سون جي شوروم پوليس آپريشن روم سان رابطو ڪري شڪايت داخل ڪرائي ته رات جو دير سان شو روم مان چوري ٿي وئي آهي،شارجا پوليس فوري طور تي ٽيمون جوڙي ڪاروائي ڪئي جنهن دوران سون بندرگاه ۾ موجود ڪارگو ڪنٽينر مان هٿ ڪيو ويو، پوليس موجب ڏوهاري سون شارجا کان ٻاهر سمگل ڪري رهيا هئا. پوليس جوبدارن جي گرفتاري لاءِ ڪاروايون شروع ڪري ڇڏيون آهن، جڏهن ته ڪيس وڌيڪ ڪاروائي لاءِ سرڪاري وڪيل کي موڪلي ڇڏيو آهي.
