منامه- 31 جنوري (اي پي پي)بحرين جي پارليمنٽ ميمبرن هفتي ۾ ٽن ڏينهن جي موڪل جي تجويز پيش ڪري ڇڏي، ميڊيا رپورٽن موجب قانون ساز اسيمبلي جي ميمبر محمد العلوي موجب هن چئن ٻين قانون ساز ادارن سان گڏجي تجويز پيش ڪئي آهي ته هفتيوار موڪلن ۾ آچر کي پڻ شامل ڪيو وڃي، واضع رهي ته بحرين هفتيوار موڪلن جو موجوده نظام جمعي ۽ ڇنڇر جي موڪلن تي مشتمل آهي،پارليمنٽ ميمبر محمد العلوي چيو آهي ته بحرين هڪ مسلمان ملڪ آهي ان لاءِ جمعي کي خاص اهميت حاصل آهي، ٽن ڏينهن جي ويڪ اينڊ سان ڪم ۽ زندگي ۾ وڌيڪ توازن پيدا ٿيندو، آرام لاءِ ملندڙ وقت ڪارڪنن جي ڪارڪردگي ۽ پيدواري صلاحيت کي بهتر ڪندو. ان سان ملڪ ۾ سياحت کي هٿي ملندي ۽ نار وارن جي ان سلسلي ۾ وڌيڪ حوصلا افزائي ٿيندي ۽ خطي جي ملڪن جي معيشت ۾ بهتري ايندي.
