مڪو- 31 جنوري (اي پي پي)سعودي حڪومت غار حرا تائين پهچڻ جو رستو سڌو ڪري ڇڏيو، زائرين خانگي گاڏين ۾ وڃي سگهندا ، ميڊيا رپورٽن موجن غار حرا تائين رستو سڌو ٿيڻ کان پوءِ زائرين حرا جبل تي واقع حرا ڪلچرل سينٽر تان خانگي گاڏين ذريعي اٽڪل 3 ڪلو ميٽر جو مفاصلو طئه ڪري غار حرا تائين وڃي سگهندا.ماضي ۾ زائرين ڏکين رستن تان گذري غار حرا جي زيارت ڪندا هئا جنهن سبب حادثا پڻ ٿيندا هئا، سعودي حڪومت جي ڇهن ادارن مڪي ۾ غار حرا( حرا جبل) جي زيارت کي آسان بڻائڻ لاءِ گڏجي ڪم ڪيو آهي، جڏهن ته حرا جبل وٽ هڪ سينٽر پڻ قائم ڪيو ويو آهي جتان زائرين غار حرا جي زيارت جي حوالي سان معلومات حاصل ڪري سگهن،زائرين سينٽر ذريعي غار حرا جو مڪمل سير ڪري سگهندا،واضع رهي ته غار حرا وٽ هڪ واپاري مرڪز پڻ قائم ڪيو ويو آهي جٿان زائرين خريداري پڻ ڪري سگهندا.
