بيجنگ- 15 ڊسمبر (اي پي پي) چين جي نيشنل ڊيولپمنٽ اينڊ ريفارم ڪميشن پاران چين ” بيلٽ اينڊ روڊ“ جي تعمير جي حوالي سان بليو پيپر جي سيريز جاري ڪئي آهي، چين جي نيشنل ڊيولپمنٽ اينڊ ريفارم ڪميشن پاران چين ۾ منعقد هڪ پريس ڪانفرنس ۾ ”بيلٽ اينڊ روڊ“ جي تعمير کي هٿي وٺرائڻ لاءِ گروپ جي آفيس ۽ لڳاپيل کاتن گڏيل طور تي ”بليٽ اينڊ روڊ“ عوامي لڳاپن جي گڏيل تعمير ،گرين سلڪ روڊ، روايتي چيني دوائن ۾ عالمي سهڪار ،چين _آسيان جي ترقي ،چين _ آفريقا جي ترقي ۽ چين _لاطيني آمريڪا جي ترقي تي مشتمل بلو پيپرز جي سيريز جاري ڪئي آهي.گذريل ڏهاڪي دوران 150 کان وڌيڪ ملڪن ۽ 30 کان وڌيڪ عالمي تنظيمن بيلٽ اينڊ روڊ پراجيڪٽ ۾ شامل ٿي اهم ڪاميابيون حاصل ڪيون آهن جنهن سان ”بيلٽ اينڊ روڊ“ عالمي سهڪار لاءِ هڪ مشهور عالمي عوامي ڀلائي ۽ پليٽ فارم بڻجي وئي آهي.
