رياض -04 ڊسمبر (اي پي پي) سعودي عرب جي عورت مها السبيعي ڪافي جي پوک جي موضوع تي پي ايڇ ڊي ڪري ورتي آهي. هو ان حوالي سان اها ڊگري حاصل ڪندڙ پهرين سعودي عورت آهي. العربيه نيوز مها السبيعي جي حوالي سان ٻڌايو ته سندس خواب هو ته ڪافي جي پوک ۾ پي ايڇ ڊي ڪندڙ عورتن ۾ سندس نالو اچي وڃي. مها السبيعي ٻوٽن جي بيمارين ۽ ڪافي جي پوک جي معاملن ۾ مهارت ۽ تجربو رکي ٿي ۽ عالمي واپاري تنظيم سميت ڪيترين ئي عالمي ۽ علائقائي ادارن جي نمائندي طور ڪم ڪري چڪي آهي. هن رياض ۾ سينٽرل ليب قائم ڪندڙ ٽيم سان پڻ ڪم ڪيو آهي.
