رياض -04 ڊسمبر (اي پي پي) سعودي عرب جي گادي واري شهر رياض ۾ فالڪن ڪلب تحت منعقد فالڪن ميلي ۾ ٻازن وچ ۾ شڪار جو مقابلو جاري آهي. سعودي نشرياتي اداري فالڪن ميلي جي انتظاميه جي حوالي سان ٻڌايو ته شروعاتي رائونڊ ۾ 170 بازن ۾ مقابلو ٿيو جنهن مان 28 باز ڪامياب ٿيا. انهن وچ ۾ فائينل رائونڊ ۾ مقابلو ٿيندو. شروعاتي رائونڊ 4 حصن تي ٻڌل هو جنهن ۾ باز کي شڪار تي ڇڏيو ويندو آهي ۽ اهي 400 ميٽرن جو هدف ڏنو ويندو آهي جنهن اندر رهندي باز کي شڪار ڪرڻو هوندو آهي.
