پئرس-17 نومبر(اي پي پي)فرانس اولهندي ڪناري ۾ اسرائيلي آبادڪارن طرفان فلسطينين تي ڪيل تشدد جي ڪارراوين جي مذمت ڪندي ان کي دهشتگردي واري پاليسي قرار ڏنو آهي. پرڏيهي خابرو اداري جي رپورٽ مطابق ميڊيا سان ڳالهائيندي فرانس جي پرڏيهي وزارت جي ترجمان چيو آهي ته اسرائيل جي ڪاررواين جو مقصد فلسطينين کي بي گهر ڪرڻو آهي. هن اسرائيل جي حڪومت تي زور ڀريو ته فلسطينين کي يهودي آبادڪارن جي تشدد کان بچايو وڃي. هن اهو به چيو ته فرانس طرفان غزه لاءِ اماڻيل 100 ٽن امداد ۾ اٽڪل اڌ امداد غزه پهچي چڪي آهي. هن چيو ته اسرائيل کي اهو فيصلو ڪرڻ جو حق ناهي ته مستقبل ۾ غزه تي ڪير حڪومت ڪندو. هن چيو ته غزه کي مستقبل جي فلسطيني رياست جو حصو سمجهڻ گهرجي.
