غزه_ 18 آڪٽوبر(اي پي پي) غزه جي صحت واري وزارت جي ترجمان چيو آهي ته غز ه جي سرڪاري اسپتال تي اسرائيلي حملي ۾ شهيد ۽ زخمي ٿيل سمورا ماڻهو عام شهري هئا، الجزيره ترجمان جي حوالي سان ٻڌايو آهي ته ان حملي ۾ زخمي ٿيل پڻ عام شهري آهن. ان کان اڳ اسرائيل ۽ فلسطين جنگ دوران ڪڏهن ته اسپتالن تي حملا نه ڪيا ويا آهن، هاڻي اسان غزه ۾ موجود ٻين اسپتال لاءِ فڪر مند آهيون ڇاڪاڻ ته اسرائيل انهن تي به حملا ڪري سگهي ٿو، العربيه جي تازي رپورٽ ۾ ان سانحي ۾ شهيد ۽ زخمي ٿيلن جو تعداد 800 کان وڌي ويو آهي.
