اسلام آباد – 08 جولاءِ (اي پي پي) وزيراعظم جي پرڏيهي معاملن واري صلاحڪار سرتاج عزيز چيو آهي ته سعودي عرب ۾ دهشتگرد حملا اسلامي دنيا لاءِ انتهائي ڳڻتي وارو مامرو آهي. هڪ انٽرويو ۾ هن چيو ته پاڪستان انهن حملن جي جاچ ۾ هر ممڪن سهڪار ڪندو. پرڏيهي صلاحڪار چيو ته انهي افسوسناڪ واقعي کان پوءِ هن سعودي پرڏيهي وزير کي فون ڪري تعزيت جو اظهار ڪيو. هن چيو ته پاڪستان حرمين الشريفين جي حفاظت کي پنهنجو فرض سمجهي ٿو.
