بيجنگ – 11 سيپٽمبر (اي پي پي) چائنا ايسوسيئيشن آف سمال اينڊ ميڊيم انٽرپرائيزز ترقياتي انڊيڪس جاري ڪري ڇڏي آهي. چيني خابرو اداري موجب انڊيڪس ۾ ڄاڻايو ويو آهي ته آگسٽ ۾ گهريلو طلب ۾ اضافي، ٽيڪسن ۽ فين ۾ گهٽتائي، نجي ڪاروباري ادارن جي ترقي ۽ سرمائي جي وهڪري سميت مستحڪم معاشي ترقي جي سلسليوار پاليسين جي ڪري ملڪ ۾ ننڍي ۽ وچولي درجي جي ڪاروباري ادارن ۾ مسلسل ٽئين مهيني به اضافي جو رجحان برقرار رهيو. چائنا ايس ايم اي ڊيولپمينٽ انڊيڪس جي ذيلي اهڃاڻن ۾ ميڪرو اڪنامڪ پرسيپشن انڊيڪس، جامع بزنس انڊيڪس، مارڪيٽ انڊيڪس ۽ ان پٽ انڊيڪس ۾ مسلسل ٽن مهينن کان اضافو ڏسڻ ۾ آيو آهي.
